Heestan waxa ku qaada fanaanka caanka ah ee Xasan Aadan Samatar,
Seyloo guyaal badan
Soo baxa kaliishii
Seelseelna loo degay
Sannad geelu badi dhalay
Oo sidigtii Laalays
Nirguhu aanay socod baran
Reeraha sintoodiyo
Kaymo saar leh loo dhigay
Oo igadh mid yari sabo
Maqaar lagu salaaxay
Sameeshay gaawaha
Oo baarqab soohani
Isagoo ah laba sabar
Soofeeyey micidoo
Ka sanqadhiyey doobtii
Salaadiina roorsaday
Ugubkii usaniyo
Surmo dheer la tiigsaday
Saqdii dhexena roob helay
Subaxii bariisada
Sidoodaan jaleecada
Saxansaxo ugdoon badan
Sanka kuula raacaa
Sange subag idaadiyo
Sumal badhidii lagu shubay
Oo sabada ceelkiyo
Sohdu tahay agtiisoo
Loogu dhaansho sacabada
Oo Sud iyo Hawd sare
Saddex guure daaqoo
Weli aan sadyari arag
Oo seeto iyo dabar
Labadaba ka saahiday
Oo sallow dagaaliyo
Cidi geyn saraayaha
Oo sararta naaxdiyo
Timihu isku seexdeen
Oo seyngargoorkiyo
Loo salaaxay guudkoo
Saxarkii ku duuliyo
Laga maydho siigada
Loo saaray kooraha
Cigaalkiina loo sudhay
Sarajooga iyo muuq
Sanku-neefle kelidaa
Adaa suuradiisa leh
Sagal gaaxday roob subax
Seermaweydo soo gudday
Waaguna ku sare kacay
Sarajoog nin dhererkii
Cadceeduna la siman tahay
Nuurkuna sagootiyey
Oo waqal sindadabiyo
Guulaamo socotiyo
Kala soocday dhibicii
Oo midab sibaaqiyo
Madow suul dhalaal xiga
Saddexdaa miduun yahay
Qof suureeyey kala garan
Oo beel sanaagiyo
Ku surmiyey saraar godan
Saadaalineysoo
Sugayaan inuu helo
Subaxii bariisada
Sidoodaan jeelacada
Saxansaxo udgoon badan
Sanka kuula raacaa
Dhulka saacu wada gaadh
Waannu kala sedroonyee
Meel idaha seel u leh
Riyaha salool u leh
Oo geela saar u leh
Oo dirir sagaariyo
Sagaal gudcurkuna helay
Saga xareedaan
Biyuhuna sunsumayaan
Oo saawa-saawiyo
Saxal cudur lahaynoo
Salka looga degay nabad
Oo saraarta dixidiyo
Siman tahay dareemadu
Oo sabiga caanihii
Lagu siiyey golihii
Habluhuna sibraariyo
Dhiilo saabka loo tolay
Sinta bidix ku qaadeen
Subaxii bariisada
Sidoodaan jeelacada
Saxansaxo udgoon badan
Sanka kuula raacaa
Map of the World
Our World
Subscribe to:
Post Comments (Atom)
-
Nin Insi ahaa ayaa wuxuu qabay labo haween ah oo mid ay aheyd Insi, ta kalena, Jinni. Haweeneeyda Inisiga ah waxay u dhashay saddex wiil, ...
-
Qaad or Chat (pronounced cot), scientifically known as catha Edulis, is an evergreen perennial plant popular in East Africa and some parts... -
The characteristics of a modern organization are multi-faceted and multi-tasked. Having strong and clearly expressed values for any organiza...
No comments:
Post a Comment