Thursday, August 11, 2016

THE DECEPTIONS OF BAITE MURUME AND THE 'BIG G' MIRACLE

If the leading consumers of alcohol in the world are the Czechs, Austrians and Germans, in Africa, Nigeria stays on top, followed by Uganda and Kenya respectively. In Kenya, an ethnic group known as the Meru who produce most of the Miraa or Qaad or Khat consumed by Somalis on a wider scale, hold the record for alcohol consumption. The money milked from the Somali by the Meru on Miraa sales, goes to the guzzling of their famous or favorite alcoholic brands White Cap, Pilsner, and Tusker respectively.
When desperately selling their favorite brands-whether Kangeta, Kolombo, Aleele, or Makokha-a leafy low grade category that is the reserve for the economically deprived-Meru Miraa sellers are adept at deceiving Somali Miraa chewers by substituting their wholesale consumption of the drug that is scientifically known as Catha edulis with Big G, a brand name chewing gum.
At first approach, Merus are known to use the two enticing words: Baite or Murume-obviously friendly connotations meant to attract or win one's attention. Baites or Murumes don't consume too much of this herbal drug. To inject temptations into the consumer's faculty of thinking, the seller chews a few sticks of the herb and then stuffs several Big G's to create a gigantic Daaqsin (overloaded cheek). At the end of the transaction, Baite or Murume emerges victorious leaving the Somali beat the highway empty-pocketed and consequently filled with euphoria when the chewing session kicks off

Wednesday, July 13, 2016

WICITAANKA DHAGEYSTAYAASHA: AQOON YAHAN AADAN MAKIINA

Laanta Afka Soomaaliga ku hadasha ee VOA oo saldhigeedu yahay Washington, DC oo wareysatay Aqoon Yahan Aadan Makiina oo tifaftire ka ah degelka www.wardheernews.com. Wareysiga wuxuu ku saabsanyahay Booliska Mareykanka oo dilal u geysta ragga Madowga ah ee u dhashay dalkaasi. Waxaa wareysiga qaaday Jamaal Cusmaan oo daadihiya Barnaamijka Wicitaanka Dhageystayaasha. Dhageysi wacan!

http://www.wardheernews.com/wicitaanka-dhageystaha-voa-aadan-makina/

Wednesday, July 6, 2016

GARAACA ARDADA AFRIKAANKA DHIGTA ISKOOLADA

Guumeeystihii markuu soo cago dhigtay Afrika, wuxuu sammeeyay labo qeybood oo waxbarasho ama manaahij: Mid loo qoondeeyay ilmahii Caddaanka ahaa iyo mid loogu talo galay carruurta Madowga ah. Guumeeystayaashii waxay tabo bareen macallimiin Madow ah.
Ardadii Caddaanka ahaa lama garaaci jirin, laakiin kuwii Madowga ahaa waa la tumi jiray loomana ogoleen in ay ku hadlaan afkooda hooyo Garaacii waagaa billowday weli wuu socdaa oo guud ahaan Afrika, garaaca ciyaal iskoolka dhigta waxay iska noqotay wax iska caadi ah oo ilmaha lagu edbinayo.
Dherbaaxo dheg dillaacisa, shabiiq maqaarka ardeyga ku reebta nabarro, bakoora lafaha baduuqda, garruun ardeyga curyaamisa, toontooma feeraha riiqda, haraanti aan kala joogsi laheyn, ayaa ka dhaqan galay qeybo badanoo Afrika kamid ah.
Waxaa intaasi u sii dheer,gaajo baahsan iyo calool madhan, harraad ama oon, kaneeco ku reebta cudurka maleeriyada, nadaafad darro,,iyo gurigii oo aan laheyn nolol maalmeed aanan laysku halleyn karin. Waalidkii dhalay cannugan dhibban, wuxuu aamminsanyahay ilaa hadda, in haddii aan canuga la garaacin, uusan wax baraneyn.

GUURE XAAJI DUDE: NINKII DHERBAAXAY GUUMEEYSTE INGIRIIS AHAA

Sannadkii 1958 ayaa ciidankii Soomaaliyeed ee ku sugnaa magaalada Wajeer (Wajir) kana tirsanaa maamulkii guumeeystihii ingiriiska oo dhammantood ahaa ha qabiil ayaa waxaa loo beddelay magaalada Siyaloow (Isiolo) waxaana laga reebay hal nin qudha.
Kuwii Siyaloow joogey oo ayaguna ahaa qabiil kale oo Soomaaliyeed ayaa waxaa loo soo beddelay Wajeer oo uu xukumayey gaal Caddaan ah oo la odhan jiray Sutter. Ninkii Soomaaliyeed ee ku hadhay Wajeer ayaa u sheegay Soomaalidii laga keenay Siyaloow in Sutter uu askartiisa ku garaaco suunka dhexda ugu xidhan.
Gaalkii ayaa waxay is maandhaafen askeri la odhan jiray Guure Xaaji Dude oo ka tirsanaa askartii Siyaloow laga soo beddelay. Sutter intuu suunkii dhexda ugu xidhnaa la soo baxay ku garaacay Guure Xaaji. Guure intuu udul qaadan waayey garaaca, ayuu gaalkii labada indhood dherbaaxo kala dhacay, halkaasoo gaalkii dhulka isa shalalay sidii lax gowrac sugeysa.
sutter markuu soo miyirsaday ayuu ku soo baraarugay askartiisii oo dammasanaa in Guure ay xabsiga dhigaan. Sutter, wuxuu ammar ku bixiyey inaanan Guure la xidhin. Sutter wuxuu askartii weydiiyey ninka dherbaaxay magaciisa waxaana loo sheegay in la yidhaahdo Guure Xaaji Dude. Beddelkuu ciqaabi lahaa ayuu Sutter geesigii dhulka dhigay ubaxshey 'Guure Wazimu'-taaso la micne ah Guurihii waalnaa. Dhacdadaasi kadib, Sutter wuu joojiyey garaacii uu caadeeystay.
Waxaa soo tebiyey sheekadan Xasan Jire.

Saturday, July 2, 2016

GUUR, HALAQ GALEEN, IYO SADDEX GEERI

Nin baa wuxuu guursaday gabadh aad u qurux badan wuxuuna geeriyooday habeenkii koowaad ee ay aqal galeen. Ciddaddii markey ka baxday, ayaa waxaa dumaalay marxuumkii walaalihiisi mid ka mid ahaa asagana wuxuu dhintay habeenkii ugu horreeyay ee ay aqal galaan.
Soomaali dumaal waa u caado ee raggii noolaa waxay ka maarmi waayeen gabadha quruxdeeda iyo hab dhaqankeeda wanaagsanaa. Goortey ciddaddii ka baxdayna, waxaa dumaalay walaalkii labaad, asagiina isla habeenkii ay aqal galeen ayuu qudh baxay.
Deetana waxaa guursaday walaalkii saddexaad, asagiina wuxuu xijaabtay habeenkii ugu horreeyay.
Waa yaab iyo ammakaagee, gabadhii waxaa la aqal galay walaalkii afraad. Habeenkii ugu horreeyay ayuu diyaarsaday xarig iyo toorreey affeeysan. Intuu sasabay ayuu gurigii ka kaxeeyey wuxuuna geeyay meel guriga ka yara durugsan kadibna geed buu ku xiray.
Ayadoo geedkii ku xirxiran ayuu u cago jugleeyey. Intuu toorreeydii la soo baxay si uu u cabsi geliyo, ayuu ka codsaday iney u sheegto wixii walaalihiisi dilay Wuxuuna u sheegay haddii ay runta u bayaamiso oo xitaa ay qirato in ayada ay dishay, in uu cafinayo.
Runley bey aheyde, waxay ka codsatay in uusan waxba u geysan, maadaama ay run u sheegi doonto.Waxay tidhi, "mas baa caloosheyda ku jiraa wuxuuna soo baxaa markaan kaadinayo ama nin ii hawoodo ee ogoow walaalahaaga waxa dilay waa bahalkaasi igu dhex nool.." Ayadoo hadalkeedi sii wadata, ayaa waxay u sheegtay in bahalku horraan intaanan la guursan uu afka la soo bixi jiray marka ay kaadineyso oo uu leefleefi jiray kaadideeda.
Intuu gabadhii xarigga ka furay ayuu ka codsaday in ay u sheegto goor kastoo ay kaadi qabato, wuxuuna diyaarsaday surqin ka sammeysan xarig kaasoo uu ugu talo galay in bahalkaasi uu ku qabto. Wax yar kadib gabadhii kaadi ayaa qabatay weyna u sheegtay ninkeedi in uu diyaar garoobo.
Debedda ayey is la tageen weyna kada loobsatay oo billowday in ay kaadiso, isla markiina bahalkii ayaa madaxa la soo baxay oo xarriggii ayuu si fiican ula helay kana soo jiiday ferjigeeda. Mas weyn buu ahaayee, halkii ayuu ku dilay.
Wuxuu gabadhii ku wargeliyey in ay ogeysiiso mar kastoo ay kaadi qabato. Saddex jeer markey kaadisay habeenkaasi oo uu ninkii ka waayey wax ferjigeeda ka soo baxa, ayuu is dejiyey oo iska illaaway wixii tagoo hore. Gabadhii waxaay ninkeedii u dhashay 10 carruur ah weyna isku waareen.

Thursday, June 30, 2016

JINNI IYO INSI IYO SHEEKO JACEYL

Nin Insi ahaa ayaa wuxuu qabay labo haween ah oo mid ay aheyd Insi, ta kalena, Jinni. Haweeneeyda Inisiga ah waxay u dhashay saddex wiil, halka ta Jinniga aheydna, hal wiil. Odeygii labadan qoys maamuli jiray ayaa waxaa soo riday geeri maadaama uu gaboobay.

Wiilkii Jinniga iyo Insiga iska dhalka ahaa ayaa wuxuu jeclaaday gabadh aad u qurux badneyd oo aheyd Jinni. Hooyadii dhashay ayuu wiilkii u soo bandhigay jaceylka hayo iyo gabadha u eg sida dayax shan iyo toban ah, indho deero leh, dahabna lagu mitaali karo. Hooyo waa lama huraanee, waxay kula talisay in arrinkaasi ay u soo bandhigto walaalahiisa Insiga ahaa, sidii ayuuna yeelay.

Saddexdii walaal ee Insiga ahaa ayaa waxay walaalkoodi Jinka ahaa ee jaceylka soo riday ku war geliyeen in dhammaantood ay arrinkaasi kala xaajoodaan adeerkood oo la odhan jiray Mataan Qoolleey oo asaguna Insi ahaa. Kadib markey adeerkood uga sheekeeyeen xaalku siduu yahay, ayey dhammaantood safar galeen oo abbaareen dhankii gabadhii Jinniyadda aheyd ay ku nooleeyd ayagoo u siday eheladeedii iyo qaraabadeedii , haddiyad qiimi badan.

Geel Xanuunsan iyo Mid Fayoow

Waxey cagta, cagta saaraan ba, waxay soo galeen dhul Jinka ka taliyo oo wax Insi ah aan laguba arag. Waxay arkeen labo kooxood oo geel ah oo qaarkood gaboobeen oo innaba wax shanqadh ah ayan ka muuqan gabow awgeed iyo koox kale oo burraaqoonaya da' yaraan awgeed. Saddexdii wiil ee Insiga ahaa mid kamid ahaa ayaa arrinkii la yaabay oo cudur daartay, wuxuuna codsaday in la fasaxo oo uu ku laabto halkii ay ka soo hayaameen kal hore, waana laga aqbalay.

Saddexdii Ceel ee Cajiibka Badnaa

Safar kale ayey galeen oo hore u sii dhaqaajiyeen. Waxa xilligan wada socda waa wiilkii Jinka ahaa, labadii wiil ee Insiga ahaa iyo adeerkood. Cabbaar waxay socdaan ba, waxay arkeen saddex ceel. Labada ceel ee dhinacyada jira biyo ayey isku tuurtuuraayeen, halka ka dhexena uu madhnaa ama ingegnaa. Wiilkii Insiga ahaa ee labaad ayaa khalkhal galay wuxuuna codsaday in laga raalli ahaado oo uu dib ugu laabto degmadii ay ka soo kicitimeen billowgii safarkooda, waana laga yeelay. Waxaa isku soo hadhay hal wiil oo Insi ah, wiilkii Jinka ahaa iyo adeerkood

Jinnigii Tunka Weynaa

Xoogaa markey socdeen, ayey arkeen nin Jin ah oo gooynaya ama dumminaya geed baaxad weyn, deetana qaadi kari waayeey. Wax yar kadibna, Jinkii intuu sagaal geed oo kale wada jaray ama dumiyey, hal mar wada xambaaray. Halkii wiil ee Insiga ahaa ee soo hadhay ayaa wuxuu codsaday in loo sabro oo halkii uu horraan ka imi ku laabto, waana laga ogolaaday. Waxaa soo hadhay adeerkii iyo wiilkii Jinka ahaa.

Isbedel Jawi Deegaan

Wiilkii Jinka ahaa iyo adeerkii ayaa hal mar dareemay isbedel jawi oo waxay ku soo baxeen qaryad leh geedo aysan hore u arag, bilic cusub, cadeceed iyo ileys cajabiyey, shimbiro leh muuqaal iyo midab noocyo badan, iyo ugaadh iyo xoolo kaga yaabshey. Waxay muuqaal walba milicsadaanba, ugu danbeyn waxay u tageen aabbihii dhalay gabadhii loo dan lahaa. Salaan kadib, odeygii gabadha dhalay ayaa wuxuu u yeedhay gabadhii oo wuxuu faray in martida ay u keento gogol ay ku fadhiistaan. Wax yar kadibna gabadhii weey keentay wixii la faray.

Wax Weydiin Ogaal

Adeerkii wiilka la socday, ayaa wuxuu weydiiyey duqii Jinka ahaa ee gabadha dhalay, bal inuu wax uga sheego waxyaabihii layaabka badnaa ee ay la soo kulmeen intey safarka ku soo jireen. Wuxuu weeydiiyey geelii xanuunsanaa iyo kii fayoobaa, saddexdii ceel, iyo Jinkii tunka weynaa.

Waayeelkii Jinka ahaa ayaa mid mid u kala saaray waxay ahaayeen waxay soo arkeen:

  1. Geeli xanuunsanaa waxay muujinayeen odayaasha oo aan la dhageysan doonin hadalkooda loona diidi doono wax xukun ah ayadoo kuwii caafimaadka qabay ahaayeen dhallinyaro kuwaasoo la wareegi doono xukun walba, waana calaamadaha muujinaya in Qiyaamaha soo dhowyahay.
  2. Saddexdii ceel ee labo biyo isku tuurtuurayeen kii dhexda ku jireyna ingegnaa ama madhnaa waa taajiriinta oo wax isa siinaya, is caawinaya, is gargaaraya; halka ceelkii dhexda ku jiray ee madhnaa ahaa dadka danyarta ama masaakiinta oo la illoobi doono oo aan waxba la siin doonin. Maal qabeennada dheg uma dhigi doonaan kuwa aan waxba haysan umana gargaari doonaan goortey Qiyaamaha soo dhowdahay.
  3. Jinkii tunka weynaa ee qaadi waayey hal geed, deetana qaaday 10 geed waa qof dukaan ama bank deyn ka daldalanaya. Dukaanka ama bankiga ugu horreeya ayaa u diidi doonaa ama ka joojin doonaa deynta markey ku badato oo uu iska bixin waayo. Kolbo dukaan ama bank siduu deyn uga qaadanayo ayuu waayi doonaa meel uu deyn ka qaato. Waana calaamadaha Qiyaamaha mid kamid ah.

Guntii iyo Gebagebadii


Odeygii Jinka ahaa markuu tarjummaaddii bogay, ayuu u sheegay wiilkii iyo adeerkiisi in aysan odhan ‘Bismillaahi’ maadaama uu Jinku ka xijaabanyahay. Kadib gabadhii ayuu wacay si ay uga qaaddo gogosha. Wey timid oo qaadday gogoshii. Intey sii socotay ayaa labadii martida aheyd arkeen gabadhii sii socotay oo lugo qoobab leh, markaasey hal mar wada yidhaahdeen, ‘Bismillaahi’. Dabadeed, wax ilbidhiqsi ka yar ayaa waxay is arkeen ayagoo taagan degmadii ay ka soo kicitimeen. 

Tuesday, June 14, 2016

XAABADII INDHOOLAHA ARAGGA U FURTAY

Aabbe indhoole ayaa wiilashiisi mid ka mid ah faray in uu kaheeyo hal iyo rati oo hasha uu soo gado, ratigana badar lagu soo raro. Odeygii wuxuu la dardaarmay wiilkiisa in wax faataxa la socoto uu ku gado hasha.
Wiilkii hashii ayuu suuqa geeyey. Intaasi iga sii markii la dhahaba wuxuu sii raaciyaa,oraahda ah "maxaa la socdaa." Dadkii suuqa xoolaha joogay ayaa la yaabay, weyna ka kala dhaqaaqeen.
Markuu hashii iib ku waayey, ayuu soo carraabiyey. Intuu dhexda soo socdey ayuu la kulmay habar xaabo dhabarka ku sidato. Wey wareysatay wuxuuna u sheegay in hasha oo uu iib la rabay laga gadan waayey.
Habartii ayaa ka codsatay wiilkii in ayada uu ka gado hasha. Wuxuu weydiiyey qiimaha ay ka siineyso waxayna ugu jawaabtay in xaabada ay dhabarka ku sidatay kaga iibsaneyso. Su'aal ayuu daba dhigay oo wuxuu weydiiyey, "maxaa la socdaa"? Waxay ugu jawaabtay, "waxaa la socdaa afar faataxa oo min iyo moora gasho."
Xaabadii ayuu ka guddoomay wuxuuna ku wareejiyey hashii, halkii laga sugaayey badar. Markuu degmadiisi tegey ayaa lagu soo xoomay oo lagu buuqay. Odeygii wiilka dhalay ee indhoolaha ahaa ayaa dadkii ka codsaday in wiilkiisa ay ka joojiyaan buuqa iyo sawaxanka. .
Odeygii wuxuu su'aalay wiilkii oo wuxuu weydiiyey halkii ay ku dambeysay hashii uu faray in uu soo gado wuxuuna ugu jawaabay in dardaarankiisi uu ahaa in uusan gadin hasha haddii aysan faataxa la socon waxa looga iibinayo.
Markuu iib lacageed ku waayey ayuu xaabo faataxa la socoto ku doorsaday. Odeygii xaabadii ayuu shiday, iskuna qiiqiyey kadibna indhihii ayaa ufurmay. Xaabadii 10,000 oo indhoole ahaa ayaa lagu daweeyey mid walibana wuxuu ka qaatay labo qaalmood oo geel ah. Sow la yaab ma aha?

WALAALKII XASADKA AHAA

Goobtu waa xeryaha qaxootiga Kiiniya mid ka mid ah oo Soomaali badanoo soo barakacay ay degganyihiin.
Labo walaalo ah ayaa midkood labo wiil oo uu dhalay loo diray Mareykanka hab qaxootinimo. Wax yar kadib, wiilashii shaqo ayey billaabeen. Lacag aan kala joogsi laheyn ayey aabbahood u soo xawili jireen. Odeygii wuxuu is yidhi, alleylehe gaajo dambe is arki meysaan.
Odeygii wuxuu yeeshay raxan saaxiibbo ah oo uu qaadka u gado, kii la dhashayna wuu illoobay oo waxba uma uusan garan. Walaalkiisi ayaa dhowr jeer baryey bal inuu mucaawino u fidiyo maadaama kuwa debedda jira uu adeer u yahay ayna lamid yihiin kuwa asaga uu dhalay.
Muddo saddex sano ayey wiilashii lacag soo xawilayeen ayadoo adeerkoodkii laxmiga ahaana uu ka qatanaa. Maalin maalmaha kamid ah ayaa odeygii wiilasha dhalay loo soo diray lacag buuran. Walaalkiisi oo la socday lacagta la soo diray, ayaa ugaga hortagay xawaaladda wuxuuna ka codsaday inuu wax siiyo maadaama gurigiisa aanan dab laga shidin oo carruurtiina ay ka qatan yihiin. Wuxuu ugu jawaabay, "wax micna leh layma soo dirin oo waa in yaroo aan deyn isaga bixinaayo."
Kama uusan daba harine, asagoo is qarinaya ayuu daba galay kana soo kor dhacay walaakii oo goobta qaadka lagu iibiyo lacagta firdhinaya. Intuu garabka ka taabtay ayuu ku yiri, "ha iska dhammeyn lacagta waayo maanta ayaa kuugu dambeysa lacag damboo wiilashaada kuu soo diraan."
Dhowr maalmood kadib, kii wiilasha Mareykanka jiray dhalay ayaa telefoon qof ay qaraabo ahaayeen u soo diray una sheegay in labadii wiil midkood gaari jiiray oo uu geeriyooday, kii kalena uu waashey oo marada tuuray.